अभिनेता आकाश श्रेष्ठ र अभिनेत्री पूजा श्रेष्ठ अभिनित चलचित्र ‘सम्झना बिर्सना’को फस्टलुक पोस्टर सार्वजनिक गरिएको छ । दार्जिलिङ, सिक्किम र नेपालको पहाडी जीवन पद्दतिको प्रेमकथामा आधारित रहेर निर्माण गरिएको चलचित्रमा निमेष प्रधानको निर्देशन रहेको छ । आदित्य प्रधान र रेविका प्रधानले निर्माण गरेको चलचित्रमा सुनिल थापा, शिशिर राणा र सिक्किमकी नव कलाकार चाँदनी प्रधानको पनि अभिनय रहेको छ ।
आदित्य फिल्मस्को व्यानरमा निर्माण भएको चलचित्रमा शिव ढकालको छायांकन छ । आगामी वर्षको जेठ २ गते प्रदर्शन हुने तयारीमा रहेको चलचित्रमा तारा थापा किम्भेको सम्पादन, राजन इशान र सुदर्शन तामाङको संगीत, कमल राईको कोरियोग्राफी, शिशिर राणा र निमेष प्रधानको पटकथा तथा संवाद रहेको छ ।
0 comments:
Post a Comment