"ख्यालख्यालैमा माया बस्यो" महेश शिल्पकारको / भिडियो रिलिज

  गायक महेश शिल्पकारको नयाँ गीत फेवातालैमा बजारमा आएको छ । गीतमा कृष्णभक्त महर्जनको शब्द तथा संगीत छ । महर्जन तबला वादक पनि हुन् ।  सररर हावा चल्यो फेवातालैमा, तिमीसँग माया बस्यो ख्यालख्यालैमा बोलको गीतको म्युजिक भिडियो पनि बनाइएको छ ।

भिडियोलाई सुमन लामाले निर्देशन र सम्पादन गरेका छन् । फेवाताल र पोखरा आसपासका मनोरम दृश्यहरु भिडियोमा हेर्न पाइन्छ । दिपक कार्की र निभा अधिकारीले अभिनय गरेको भिडियोका क्यामेराम्यान बसन्त महर्जन हुन् । अहिले सिंगल ट्रयाक बजारमा ल्याएका शिल्पकारले केहि समयपछि पुरै एल्बम बजारमा ल्याउने तयारी गरिरहेका छन् ।                                          
हङकङमा बसोबास गरिरहेका गायक शिल्पकार नेवारी तथा नेपाली गीत गायनमा करिब एकदशक देखि सक्रिय छन् । उनले सन् २००८ मा एकल गीती एल्बम आह्वान बजारमा ल्याएका थिए । यो बाहेक भ्वाईस अफ हङकङ, आदिवासी एल्बम पनि गायक शिल्पकारले निकालेका छन् । नेपाली र नेवारी गरेर झन्डै २५ वटा गीत उनले गाईसकेका छन् ।
हङकङको ब्यस्तताको बाबजूद पनि महेश शिल्पकार संगीतमा साधनारत छन् । उनलाई नेपाली गीत संगीत क्षेत्रमा अझ योगदान दिने मन छ । यसैले पनि उनी नेपाली संगीतमा समर्पित छन् । परदेशमा बस्दा आप्mनोपन र नेपाली गीतको अझ माया लाग्ने उनले बताए ।

गुगल प्लसमा राख्ने

क्या रमाइलो डट कम

क्या रमाइलो डट कम संसारको जुनसुकै कुनामा भएका बिभिन्न घटनाहरु, सुचना, जानकारी, मनोरन्जन, समाचार तथा विभिन्न रोचक र रमाइला खबरहरु पस्कने गर्ने वेवसाइट हो । विशेष गरि नेपाल र देश बिदेशमा समेत रहनु भएका नेपाली समुदायप्रति लक्षित रहेर हामी प्रस्तुत हुन्छौं ।